صديقى الوهمى

الى صديقى الذى أمنت بكونه كذلك بعد رحيله والرحيل فى عُرفه هو البداية

فالرحيل وحده ما يكسب الاشخاص عمقا بقلبه
اعلم انى الان احتل ركنا ما فى قلبه يتذكرنى كثيرا و يبتسم و قد يلوم نفسه احيانا لما لم يفكر بى بشكل مختلف

الا انه دوما ما يرحب بالحلول الاسهل حتى وان ادرك بعد ذلك انها لم تكن بالاسهل على الاطلاق

يترك نفسه للعمل لينسيه التفكير و يترك نفسه للتفكير لينسيه ذاته
 فلا هو يصل ولا يتوقف يتأرجح بين ما مضى و يخشى ما سيكون له
عادات تميزه وله ابتسامه خلابه و ضحكة تأسر القلب يسطح الاشياء جميعها  حتى يبدو اكبر منها يفكر كثيرا فى كل شئ الا ما يريد ان يكون عليه
لعله يترك ذلك للقدر دون ان يتحمل عبء التخطيط الا انه غالبا ما يكون غارق فيها

صديقى لا يزال فوتوجنيك تذكرك طلته بكلاسكيات الزمن الجميل
 وبحنين غريب الى الماضى ربما ذلك للمحة الحزن فى عيناه ربما لكونه .... لا اعرف

صديقى الذى لا اعلم توصيفه لى الى الان كن سعيدا و ترفق بك فقط لانك تستحق

بنكتب ليه ؟

اوقات كتير جدا لما بحس بإحباط 

ابطل اكتب لفترة وافضل اسال نفسى هو انا بكتب ليه لمجرد انى بعبر عن اللى جوايا 

ولا عايزة اوصل للناس طيب الوصول ده هدفه ايه 

الموضوع اتطورو بقيت لما بقرأ كتب و احس انها اى كلام جنب بعضه وخلاص 

افكر اكتر هى الناس دى بتنزل كتب ليه ما هو لو بيعبر عن اللى جواه و خلاص يبقى فى اختراعات كتير 

تحققه ده الا وهى البلوجات والنوتس فى الفيس بوك و المنتديات وغيرها
يبقى ليه بقى يجمع الكلام العادى جدا ده فى كتاب 

ولقتنى بقول لنفسى طيب ما انتى عاملة كتاب واكيد الناس بتقول عليكى كدا بردو
او يمكن يكونوا مش عايزين يكتبوا ريفيو علشان مش عايزين يجاملوا على حاجة مش مقتنعين بيها

والحق يقال ان انا فى الوقت الحاضر مش مقتنعه بحاجات كتير نشرتها فى كتابى بس فى الوقت نفسه 

انا كان عندى هدف فى الكتاب و رساله فى موضوعات كتير كنت حابه انها توصل للناس 

الرسالة دى وصلت ولا لا الله اعلم لان مفيش حد نقد بشكل مفصل يعنى
لكن الاراء دى بتفيدنى جدا فى انى اعرف هو اللى بكتبه ده اى كلام وخلاص ولا بيلمس حد و بياثر فيه

وان كانت تجربة و مش هتتكرر تانى عن اقتناع
لانى مش بعرف اختلق حوار وبناء عليه مش بعرف اكتب قصص 

ولا بعرف اسرد تفاصيل بكتفى بانى احفظها وبناء عليه مش هعرف اكتب روايه بردو 

وكمان اعتزلت الشعر من سنين ده بالاضافة الى ان فكرة كتب الخواطر دى بقت زى " الاسبوسيد "

طعمه حلو ومش مؤثر بس لما بيزيد بيعمل سيوله فى الدم  وده لانى لاحظت ان اى كلام مرسل من غير هدف
لما تحطه مع بعضه فى كتاب مش هتلاقيله تصنيف غير خواطر 

ورغم ان " كــــان " عندى امل انى اغير فكرة الناس عن الخواطر وامزجها بالقصه الا انى تراجعت 

مهى الساحة الادبية مش ناقصه اختراعاتى يعنى ^_^ 

انا زمااان اوى كان عندى حلم وهو انى انشر فى جرايد و مجلات و اجمع كل اللى كتبته
علشان لما اجيب ولاد ان شاء الله اقولهم ماما هى اللى عملت كل ده
" الحلم ده كان من حوالى 8 سنين ايام ما كنت فى منتدى نجوم اف ام بكتب شعر "

والحمد لله حققت حلمى و  بقى عندى كتب منشور فيها اللى كتبته ومجلات و جرائد يبقى اكتب تانى ليه 

اكتب تانى علشان اعبر عن اللى جوايا و ده متاح فى مدوناتى 

لما بفكر فى موضوع الوصول بقى بيجى فى بالى على طول

 " مصطفى سيف " متتنازليش يا آية لما تعلى خطوة مش ترجعى تانى لورا حتى لو مفيش غير كدا
حافظه نصائح مصطفى كلها صم وبعمل بيها
علشان هو من اكتر الناس اللى بتثبتلى ان الوسط ده ماشى بالكوسه مش بالابداع 

فى يوم كدا من قريب أحمد عثمان هاجمنى وقالى انتى سلبيه مش بتحاولى تنتشرى وتكونى صحاب من الكتاب 

بعدها بيومين لقيته محبط و بيقولى احنا عايزين نوصل لايه من الكتابه 

يمكن هو عنده حق انى سلبيه لانى مش بحب العلاقات اللى قائمه على المصلحه مع ان فى نفس الوقت بصراحه 

لما بلاقى حد عامل شير و دعايا لحد تانى بيبقى نفسى اوى حد يعمل معايا كدا 

بس هى الفكرة ان دول صحاب بجد فى العالم الافتراضى و الواقعى 

اما انا كان نادر انى اتجاوز العالم الافتراضى بالنسبه لحد او العكس 

بس علشان انا حابه اوى اشوف الناس الافتراضيين اللى حبيت كلامهم هروح " القعده " يوم السبت ان شاء الله 

مش هروح بصفتى واحدة من فريق مبدعون مما قرات لكن هروح بصفتى بحب الناس المبدعين دول 

علشان مش عايزة اوصل لحاجة من الكتابة انا حابه اكتب لنفسى كدا و خلاص 

واكتب اللى جوايا من غير هدف اكتر من انى اعبر عنى بشكل يفرحنى ووووبس ^_^ 

تُرقُص ؟؟!!

الحريه يا ابي كالرقص وكأني فراشه تلهو 

وكآن الكون براح لي وحدي يتلون ببهجه خطواتي 

بنيتي وكيف تكن حريه و قدامكِ يقيدهما الإيقاع

..................

تأمل حديثها كثيرا وبحدسه المهني لم يكتشف شئ
ربما تصطنع المرض ربما لديها رغبه في البوح لا اكثر
اوقف تسجيل جلسه اليوم
- اشعر وكأن انهكك الحديث ما بالك بالرسم
ابتسمت بترقب فأعطاها ورقه و قلم وطلب منها ان ترسم نفسها كما تراها
فرسمت راقصه باليه يقيدها الهواء

..................

منحتني الحريه و القيد
فهل يجتمع النقيضين ؟!!