Elegant Rose

الجمعة، 22 نوفمبر 2013

حواديت الملك



- هو انتى بتسمعى منير ازاى ؟
- انا مش بسمع منير انا بعيشه

هو بجد منير مش مجرد اغانى وكلمات والحان لا خالص
منير حالة بتتعاش مع كل اغنية بكون شايفة المكان وواقفة فى نص الحدوته
بلاقينى واقفة قصاده على شط النيل و عنيه الحزينة بتقول خايف اوعدك موفيش
و ببصله بفرحة و اندهاش وهو بيعترف آمر الهوى قلبى ميشلش غير واحد
بحس انى بردانة اول ما اسمع منه وحدى لكن ونسان وماشى كدا
وبكون فى قمة السعادة وهو بيغنيلى  شمندورة

- انتى ليه شمندوره ؟
- علشان بحبه

بحس انى شيفاك فى صوته وانت بتقولى يا أجمل من الصورة دوب يا دوب
خلتنى احبنى فى الصور اصلا

- عارفه ان منير غنالك
- ياسلاااااام
- مش سمعتيه وهو بقول حكايته حكاية و روايته رواية جميل بس آية شغل بالى

- فاكرة ان كل الناس اللى قابلتهم فى حياتى اهدونى اغانى لمنير

كلهم سابو مع اغنية لمنير ذكرى  علشان كدا لما بسمع اى اغنية ليه لازم اسرح وابتسم 


الخميس، 14 نوفمبر 2013

استسلام ممتع


البحر - السماء - البنفسج - والفراغ من حولنا
اترك لهم ذهنى فى استسلام تام
بعض الذكريات تقترب فتحملها الأمواج بعيدا
الكثير من النقاء يوحى بإبتسامة البنفسج بحياء للرمال
لا شئ يستحق العناء يا عزيزى دعك من كل شئ و واستسلم للسماء

ربما كانت تلك إنعاكس لـ إستسلام .. مصطقى سيف الدين 

الثلاثاء، 5 نوفمبر 2013

قطار الأحلام




" البعض يا عزيزى لا يدركون الواقع 
يعيشون هكذا على  حافة الأحلام لا يكترثون كم من العمر مضى ما يشغلهم فقط هو كيفيه مروره
تخطيت التلاثين منذ عامين ربما .. او ثلاثة .. او أكثر أو أقل 
فالفتيات بمجرد تجاوزهن الثلاثين يتساوين فى الأعمار خاصة وان كن مثلى وحيدات 
اشعر وكأن الجميع سلبنى كافة حقوقى فى السعادة عن عمد لذنب ما كنت لأقترفه يوما 
رغم انى إعتدت على وحدتى واصبحت مستمتعة بتفاصيلها الدقيقة
 أقف أمامى كل مساء و اربط على كتفى كم أصبحت مرموقة فى عملى محظوظة برفقائى 
احاول اقناعى انى افضل بكثير من الكثيرات واحمد الله برضا عما قسمه لى 
لكن لأصدقكك القول ما من فتاة قوية كما يبدو فجميعهن ضعيفات وان أظهرن غير ذلك 
وان واجهن نظرات المجتمع لهن بمنتهى الصرامة
 وان تعففن عن الزواج وعن ضغوط الجميع حتى لا يحافظن على كرامتهن 
بالأمس عندما اخبرونى انك تقدمت لخطبتى تبادرت على شفتاى ابتسامة لا ملامح لها 
فقد اعتدت كثيرا على سماع ذلك الخبر فلم يعد بالنسبة لى مدعاه للإنبهار 
فجميع من تقدم لخطبتى منذ تجاوزت عامى الخامس والعشرين
تراجعوا عندما كنت اخبرهم كم تجاوزت من العمر 
حتى ذلك الأخير الذى بلغ الأربعون رفض الزواج من فتاة الثلاثين
وقد علمت انه تزوج من فتاة لم تتجاوز الخامسة والعشرون 
الواقع يا عزيزى يفرض علينا التسليم بالأمور وعدم الإنسياق وراء سراب عودة القطار "
فى اليوم التالى لحديثه مع والدها وتحديد موعد لزيارتهم فى المنزل ذهب الى العمل مبتهج 
ينتظر رد فعلها الأول بعدما ادركت نواياه فى الزواج منها فأجاته  تلك الرسالة على مكتبه 
وبعدما قرأها توجه اليها وهى تحاول ان تبدو منهمكة فى عملها وجلس أمامها دون ان يتحدث 
حتى التفتت اليه وقبل ان تساله عن شئ بادرها " كان معكِ كل الحق القطار لن يعود لكن بإمكاننا ان نلحق به معا "
لم تجب وحاولت الإنصراف فأستوقفها بكلماته " العمر يا عزيزتى لا يقاس بما سطروه فى شهادات ميلادنا 
لكن بما انجزناه فيه والزواج رزق وحده الله من يحدد متى وكيف ..
أحببتك واريد ان اكمل ما تبقى من العمر معك ألا يكفى ؟ "
وكانت ابتسامتها الخجولة هى الرد تركته بعدما اعلن عقلها انها اليوم ستلحق بالقطار 

السبت، 2 نوفمبر 2013

مسببات السعادة


سؤالها عن المسببات الصغيرة للسعادة و الحزن الأكبر دفعنى لأكتب من جدبد
رحاب صالح .... قهوة و شيكولا

قهوة و شيوكلا و كاظم يقول لى " قولى لهم بكل كبرياء يحبنى كثيرا "
فأحبه أكثر و استمتع بضحكة عينيه وهو يخبرنى بتفاصيل عشقه لى 

قلم رصاص و صفحات بيضاء و مخيلة صافيه تلمس زرقة السماء 
و تعود لتمنحنى صفاء تلك السحب البيضاء فأغمض عينى و أبتسم 

حكاياك كل مساء وسؤالك المصحوب بالبهجة الغير مبررة " كيف مر يومك ؟" 
فأبتهج كذلك و أبدا فى السرد وكأنى طفلة عادت للتو لحضن والدتها 

هل لاحظت ذات يوم دمعاتى الهاربة أمام فيروز وهى تسألك " كيفك انت " لا أعلم حقا لما أرتجف
 ولما تلمع عيناى بحزن دفين وانت تحدق بعيناى التى ترتسم أمام عيناك الآن 

المطر و الباليه وبالونات ملونة وبعض الفراشات والورود
ودعوات صديقاتى بظهر الغيب بدايات تمنحنى سعادة كبرى

البدايات جميعها تحتل صيغ التفضيل فحزننا الأكبر يولد هكذا ثم يقل بالتقادم 
وجرحنا الأعمق يكن أعمق منذ بدايته ثم يندمل بالوقت 
وكذلك سعادتنا الكبرى تكن فى قمتها مع كل بداية مبهجة نمنحها لأنفسنا 
لذا فأنا أثق دوما فى البدايات وانت ؟

الجمعة، 18 أكتوبر 2013

إمتزاج باللأوعى




- على فكرة تفاصيلك زى ما شفتها فى الحلم بالظبط .. الحلم اللى شفته قبل ما اشوفك اصلا 
الحلم اللى كل تفاصيله اتحققك بس لسه تفصيله صغنونة عندى يقين ان ربنا هيحققهالى 
- على فكرة انتى جميلة اووووووووووى 

..................................

- آية انا خايفة عليكى اوى انتى ليه تايهه كدا 
- خايفة اسيب نفسى أفرح اتوه منى معرفنيش 

.................................

- اتغيرتى اوى حاسة انى بشوفك لأول مرة جبتى القوة دى منين  
- طول عمرى فظيعة اساسا ومحصلتش 

.................................

- انا حلمت بـ سعاد يا ماما و إيمان و آية هو انا ليه بقيت بشوف صحابى كتير الأيام دى
- عايزة تشوفيهم بس ... هتعزميهم فى فرحك ان شاء الله ؟
- لا

..............................

- عارفة انا كل ما بسمع محمد هنيدى و هو بيغنى " مين حبيب بابا " بأفتكرك 
- مستغرب انك بتفتكرنى ولا مستغرب ان حبيب بابا طلع شبهى مع انى مش أمه ؟!

...............................

- انا أكلت تمر فى فلسطين و ركبت قطر فى إيطاليا 
بس اللى حصل بعدها ان  جالى تمر هدية من فلسطين 
و اتعملى لايك من الولد اللى كان بيحبنى فى ثانوى فلما دخلت بروفيله اكتشفت انه هاجر إيطاليا 
- ومحمد عارف بالولد ده 
- لما قابلت الولد فى ايطاليا عرفته انى إتجوزت 

................................

اوقات بنحلم بحد علشان احنا نفسنا نقابله بجد واوقات بنحلم بيه علشان هو نفسه يقابلنا 
واوقات بنحلم بحاجة نفسنا تتحقق واوقات بنحلم بحاجة علشان خايفين تتحقق 
واوقات ربنا بيبعتلنا اشارات و رسايل فى المنام 
بس الأكيد فى كل الاوقات دى ان الحلم طبطة على القلوب 


الأربعاء، 16 أكتوبر 2013

حولياتى لم تصل بعد




بعد مائة يوم من بداية الحوليات 
اكتشفت انى تعسرت بعض الشئ فلم أصل بعد ولو لنصف المائة 
وجدتنى فى بعض الايام كتبت تدوينتان فى اليوم ذاته 
واحدة هنا و الأخرى فى مدونتى الأساسية 
وجدتنى أتسائل على مدار المائة يوم أى منهما كانت الأساسية ؟!
ربما إجتاحتنى مشاعر حب لم أتوقعها لتلك المدونة 
رغم انى أعشق اشيائى القديمة أكثر الا انى هنا أكتشفت " أنا "
تلك الفتاة المبتهجة طيلت الوقت الهادئة المرتبة المتزنة 
أدركت ان التحدى الذى ارغمت نفسى عليه كان فى الأساس رغبة فى التحرر 
رغبة فى ملامسة السماء و تتبع النجوم كى أخبرهم بكافة حكايا الفرح 
وفى السماء ليس هناك عقارب زمنية فلن تشعر بأن مائة يوم قد مضت 
وحدها الفراشات تلاحقك فلن ترغب فى إتمامها و ستكتفى بان تستمتع و فقط
فعندما يخبرك احدهم اننا فى بداية مائة جديدة و تفقد وعيك الإدراكى للوقت 
وتذوب فى تلك الإبتسامة التى تلقيتها عبر العديد من التعليقات على ما كتبته سلفا 
ستشعر ان يوم من البهجة كفيل ان يتجاوز بك المائة يوم فى يوم 

عيدكم بهجة .... و مائة يوم جديدة أنتظرها بشغف فلتدعوا لى ان تحملنى للخير :))

الأحد، 29 سبتمبر 2013

ثلا ثة أحرف و إبتسامة



 يوما كهذا يستيقظ النهار عند الـ " فجر " مسبحا بحمد الله 
يثير داخل نفوس المصلين الراحة والامان 
فوحده الله القادر على إخراجهم من ظلمة الليل الى غسق النهار 
من وحشة الحلم الى ضياء الواقع فقط بالدعاء 
ليعلمون ان الـ " فرج " أقرب اليهم مما يتخيلون 
وان دمع الدعاء احتوته الحاء لتتجلى رحمة الله فى تحويله لـ " فرح "
تلك البهجة التى تستوطن الثلاث أحرف 
تدعوكم كى تطمنوا فإن الفجر فرج يتبعه فرح :)



الاثنين، 23 سبتمبر 2013

حفل الخطوبة



ربما كان الأمر صادم بعض الشئ 
ولم يتقبل احد فى بداية الامر ما اقول 
لكنى لم اجد فى الامر اى غرابة لكن على العكس رأيته المنطقى 
" لا اريد حفل خطوبة فى قاعه مناسبات "
اريد ان يكون الامر عائليا فى المقام الاول بعيدا عن المبيحات التى تزعجنى 
شئ فـ شئ أصبح الأمر مقبولا لدى الجميع 
وبالفعل اقمنا حفل خطوبة فى المنزل دون الذهاب الى استديو تصوير 
و بعيدا عن البروتوكولات المتعارف عليها كان الحفل بسيط للغاية و رائعا بشهادة الجميع 
السعادة التى شعرنا بها والذكريات التى خرج بها الجميع من ذلك اليوم 
تجسدت فى الحميمية التى نشات بين العائلتين 
حتى ان الصور التى تم التقاطها بعفوية شديدة لم يكن لاى مصور محترف ان يحظى بها 
- اعلم بأن حديثى اليكى لن يغير من قرارك شئ
 فأنتى وحدك من يقرر ماذا يريد و كيف تجدين سعادتك 
- لست مجبرة ان افعل ذلك احلم بحفل صاخب ومكان متسع ليحضر كل المعارف والاقارب و الاصدقاء 
اريد ان ارقص وو افرح لا اجد مبرر منطقى ان افعل مثلك 
- ولكِ ما شئتِ فمثلما وجدت انا ان فرحتى لم تكن فى طقوس الحفل
 ليس خطأ على الاطلاق ان تجدى انتى فرحتك فى طقوس مختلفة 
السعادة ان تفعلى ما تؤمنين به ما دمتى على اقتناع بانه الصواب دون الالتزام بما يفعله الاخرين 
انه يومك وعليكى ان تنتقى كيف تمر ساعاته عليكِ لا كما يريدين هم 
فلتكونى مبتهجة ^_^ 


من واقع تجربتى التى تتفق مع ما اردات 
منى ياسين فى يوم الخطوبة 


الجمعة، 20 سبتمبر 2013

سبتمبر الأحلام



فى بداية سبتمبر كنت سالته
هل سيكون على عهده معى و يمنحنى بداية رائعة ؟
والاجابة وصلت الحمد لله و قال اه
وحددنا معاد فرحى ان شاء الله فى شهر الحب


وكمان عملى مفاجاة واتنشر خبر عن كتابى " ورق ملون "
فى مجلة نصف الدنيا عدد النهاردة 
هو اه مش اول خبر يتنشر عنى ولا حاجة 
لكن الفكرة ان دى مجلة والمجلات ليها احترامها بردو (زى ما علمونا فى الكلية يعنى :D)
صورة بالالوان و ورق جلاسيه لميع وغلاف و قطاع مميز من الجمهور 
ده غير ان دى مؤسسة الأهرام وان اسمى يبقى فى اى حاجة تبع الاهرام ولو من بعيد كان حلم مستحيل
 
اقوم الاقينى فى نصف الدنيا اللى كنا بنشوف اعلاناتها فى التليفزيون واحنا صغيرين
 
وكأنى فى حلم ولازلت مش مستوعبة




 اما بقى الحاجة اللى كانت مخليانى صاحية من اول امبارح
 انى اخيرا بقى عندى البوم لصور خطوبتى
بعد معاناة فى تقطيع الفيديوهات اللى اساسا بايظة علشان اطلع اى لقطات حلوة
مرورا بان صاحب الاستديو قالى الصور مش هتنفع بعدين لما لقانى خلاص هنهار قدامه
قالى طيب نجرب كدا و نشوف والحمد لله الحمد لله طلعلى الصورة تحفففففففة
اتفرجت عليهم يجى عشر مرات مع انى انا اللى مقطعاهم اساسا
بس فعلا المعاناة هى اللى بتخلى اى حاجة ليها طعم مختلف وفرحة متتوصفش
وبالنسبة للفستان اللى مالوش اى صورة طلعت كاملة فـ علشان هو يستاهل
 هتصور بيه صورة مخصوص زى بتاعت احمد راغب كدا مش هظهر فيها هو بس 


ومن موقعى هذا بعد كل الحاجات الحلوة اللى حصلت فى سبتمبر 
احب اقول ان سبتمبر الاحلام بيقولكم ستستمر الاحلام ^_^

الخميس، 19 سبتمبر 2013

فقاعات البهجة


هلا لعبت معى داخل تلك الفقعات البلورية 
فاليوم انا سعيدة للغاية .. دعنا نتسابق 
سوف اصنع اولا فقاعات للحب 
اريدها كبيرة لتسع ابتسامتك و نتوئات ثغرك 
ولتهدنى واحدة صغيرة ولتخبئ لى بها ذلك البيت الذى اتمنى 
هل اخبرتك يوما انى احببتك قدر ذلك البياض المتناثر فى الارجاء
وقدر ما تحويه تلك الفقعات من بهجة
ارقض معى حولهم ولتمسك بما صنعته انا و لأفعل انا العكس
كل تلك القبلات التى منحناها للهواء جميعها لنا
الكون بأسره يشاركنا الامنيات و ينتظر المزيد
المزيد من النقاء .. المزيد من البياض ..المزيد من السعادة




الاثنين، 16 سبتمبر 2013

بُوح



اترك يدك بين يداى و تجاوز معى الاوعى 
وبصرخات متتابعة اخبرنى عن تلك الاشياء التى استعمرتك عبر سنوات العمر  
احكى لى عما تمنيته ولم يحدث وعما حدث رغما عنك
عن اكثر ما يؤلمك وعما تود ان تسقطه من ذاكرتك 
ثم اغمرنى بتلك النظرات العميقة و استنشق بهدوء 

اترك يدى من يدك وتمعن فى  الفراغ 
حيث كان هنا " أنت "
 حيث اخبرتنى بكل ما لم تخبر به احد قط 
واسالنى عما حدث و ماذا قلت واى منها اتذكر 
ستجدنى اغمرك بتلك النظرات العميقة و استنشق بهدوء 

عانقنى و ردد فى اذنى أحبك مرارا 
وتجاوز معى السكون
فلا اذكر ماذا قلت ولا اذكر بماذا اخبرتك انا الاخرى 
فقد كانت لحظات الـ " بوح " يا عزيزى صامته 


استمدتها من بُوح دينا محى الدين 


كلهن ينتظرن العلامات



الفتيات كلهن جميلات حالمات 
يستبشرن بأقل الامور و يبتهجن 
ينتظرن العلامات كى تمنحهن ابتسامة يتبعها 
هالة من الافكار والاحلام وكأنهن للتو وصلن للسماء 
خيوط النور المتدفقة من العلامات الى نبضات قلوبهن البائسة 
تصنع من اجلهن قوس قزح ملون بالفرح 

الفتيات كلهن طيبات بسيطات
ينظرن الى السماء و يرددن يارب
ويبحتثن عن اى اشارة بسيطة الى قبول دعوتهن
كلمات تصادفها أعينهن او دعاء من إحداهن
و ربما نبؤءة غير موجهه لها تحديدا
وحدها قلوبهن من يدرك وقع العلامات على الانفس الطامعه للاطمئنان

الفتيات كلهن ينتظرن العلامات
ومثلهن هى

إنجى إبراهيم ... بيحبك أوى 


الأحد، 15 سبتمبر 2013

سطوع



نفسى ارجع اكتب تانى كل يوم 
بس المشكلة انى مشغولة بغباء وكمان الشغل رجع تانى 
عايزة اكتب عن حاجات كتير اوى 
ارجع احس انى موجودة كل يوم ومفيش يوم ضاع منى 
الاسبوع ده التدوين عن شخصيات وانا مش بحب اتكلم عن شخوص بعينها 
لذلك جه فى بالى انى اعوض الموضوعات اللى فاتتنى 
فكل يوم ان شاء الله هكتب عن ومضات حولية مختلفة ^_^

.............................
الانسان بطبيعته كالشمس له فترات اختفاء و سطوع 
وحده من يقرر اى الفترات يكن لها الوقت الاطول 

...........................

كل حاجة فى حياتنا بتمر بمراحل قوة وضعف 
اوقات بنشوف المستقبل صورة مش واضحة و الطموح فى حالة استرخاء 
واوقات تانية بنحس ان المستقبل باقى عليه خطوة واحدة بس 
وان الطموح واخدها جد وكأنه حصان فى سبق عايز يتخطى اى حاجة وكل حاجة 
مش معنى انك مريت بالمرحلة الاولى ان المرحلة التانية مش جاية لا بالعكس 
الفترة اللى بتضعف فيها بالظبط زى الوقت اللى قبل الفجر 
بتحس ان الدنيا لسه ليل وفجاة يظهر النهار بقوة 

...........................

انا فى غيابك صورة باهته لقلب يذيبه الاشتياق 
وفى حضورك اصبح تلك الشمس التى تنشر حبك على الانحاء كافة


الأربعاء، 4 سبتمبر 2013

لحظات فيروزية


صوتها الدافئ يذكرنى بك
فمثلها اعترضت لا تسألونى ما أسمه حبيبى
اغمضت عينى واستحضرتك امامى هل اخبرتك يوما انك حبيبى ؟
هل أحسست يوما بان ما شعرت به تجاهك كان يستحق ان تحترمه ؟
تأملت ابتسامتك الساخرة منى وابتسمت كذلك
فامامك ومهما حدث لا املك سوى ان ابتسم سعادة بك
تنبهت لفيروز تهمس بكرة انت وجاى راح زين الريح خلى الشمس مراية والكنارى يصيح
فامسكت بهاتفى واعلنت حاجتى عن رؤية اسمك فقط لاتامل حروفك واخبرها انى اشتاقك
وانى تمنيت بان يحملك بكرة الى لازين لك الريح و اصنع لك مراية من شعاع الشمس لترى حسنك بها
وكم تمنيت وتمنيت وليغفر لى الله افراطى فى التمنى فوحده يعلم ما يخفيه قلبى
وتعلو فيروزى حبيتك والشوق انقال وليلاتى الحلوة ع البال
ما بلك ايتها الساحرة تصرين ان تضعى همساتك على نبضى المحترق
لكننى اعلنت تمردى عليها واخيت صوتها عن اذنى
لاخبرها اننى ما عدت انتظر ليلاته الحلوة وبانه استطاع ان يغير قناعتى بالحب
وهمست سرا لكنه لن يستطيع تغيير قناعتى بك فستظالى فيروزى
رغم انى احبه مثلما احبك واكثر


الاثنين، 2 سبتمبر 2013

فراشة وكتاب



أعشق الفراشات تماما كـ عشقتى للسماء
تمنحانى قدرا كبيرا من الراحة 
الفراشات وان كانت صور تجبر روحى على الانطلاق 
التحليق فى حد ذاته متعة خاصة اذا كان تحليق الروح فى ربوع اليقين
فأغمض عيناى و أبتسم 
ودون وعى اجدهما صوب السماء فافتحهما و اردد يااااارب 
أما الكتاب فهو رفيقى
الذى يخبرنى عن ذاتى الكثير
اصمت و تتبع عيناى أحرفه فيحكى بلا انقطاع
وحينما ابتهج يكن حديثه صاخبا كدقات قلبى المفعمة بالفرح
انه صدى عقلى 


الأحد، 1 سبتمبر 2013

سبتمبر




يخبرنى ان البدايات وحدها الاروع و الاصدق 
فأصدقه و اسجل معه الكثير من الوعود فى كل عام 
و يجدد الوعد فى العام التالى و ابتهج
فى العام الماضى كتبت " سبتمبر ووعوده الوردية "
حقيقة الأمر انه كان صادق فى كل ما وعدنى به 
فقد كان بداية مبهجة لنجاحات مبهجة كذلك 
ترى هل سيكون على عهده معى و يمنحنى بداية رائعة ؟



الخميس، 8 أغسطس 2013

إغلاق مؤقت


عندى اللتزامين الاول انى ادون يوميا والثانى ان تدوينى يكون مبهج
فكرت كتير اى الالتزامين دول الاهم 
لقيت ان التدوين يكون مبهج هو الاهم والاكثر تاثيرا فى نفوس القراء 
ولانى مش قادرة احقق الوعد دا بالاضافة الى انى مش قادرة كمان ادون بشكل يومى 
قررت انى اقفل المدونة مؤقتا لحين القدرة على الالتزام باى الوعدين 

وكل سنة وانتم طيبين بمناسبة العيد وكدا يعنى ^_^

الاثنين، 5 أغسطس 2013

ما سيبقى لديك



ويرحل الدمع منا ويبقى السؤال
لما سكبنا الحزن دما عبر ساحات القتال
وطوينا العمر بحثا خلف انقاض الجبال
واهمون اننا يوما سنلقى من سيوصف بالكمال
لم نفكر ان كل عيوبهم قد شابها رمز الجمال
و رافضون عيوبنا وكانها شئ محال
فلتبستم وتذكر كلنا الى زوال

الأحد، 4 أغسطس 2013

س ل م



سـ 

هناك ارتباط خفى بينى وبينه يبدأ بـ " سر " لا ادركه 
ربما لأن صديقتى تدعى " سعاد "
ربما لأنى أعشق الـ " سماء " و أعدها رمزا للـ " سعادة "
ربما لأنى أحفز نفسى دائما على الوصول للـ " سلام " النفسى 
تختلف الاحتمالات ويظل للسين وقع حنون على نفسى 

ل

اتوقع انه سيفاجئنى بسؤال لا ادرى " لما "
لكنه ينطبع فى ذهنى كبدايه فالبدايات جميعها استفهامية  
و الاجابات المبهمة وحدها الكفيلة بالاستمرار حتى وان كانت الاجابة " لا "
فهى ليست اجابة قطعية ولكن النفى تماما كالاستفهام محفز على الاستكمال 
فـ " لماذا " نصر ان يبدا حديثنا بسؤال " ليته " يبدأ بأمنية ليكن الرد دعاء 

م

الكلمات الـ " مؤثرة " بالقلب عادتا ما تبدأ به والصفات كذلك 
لا خلاف انه يملك تلك الضمة فى " مودة " وانه ينكسر بكبرياء فى " مصر "
و يحتضن القلب كلما ردد اللسان " محمد رسول الله " 



الجمعة، 2 أغسطس 2013

حلم فى دعاء



اللهم ان قلبى يمتلئ بالاحلام التى يخضع ترتيب تحقيقها لحكمتك
وحسبى ويقينى انك على كل شئ قدير
وان تعالت احلامى لتطول السحاب
فإيمانى بأن الدعاء يكفل لى تحقيقها او نيل ثوابها


الخميس، 1 أغسطس 2013

احلامى وانا




بعد اسبوع من الاحلام المزعجة
 و البكاء المتواصل سواء فى الواقع او الاحلام 
عينى بقت تعبانة جداااا بقيت عايزة انام كتير اوى 
وبحاول اشغل نفسى باى حاجة اول ما اصحى علشان مفتكرش حلمت بايه 
بس امبارح حلمت بيك كان فى حزن غريب فى عنيك 
مع انك فاجأتنى وجيت تزورنى وكمان قلت هتبات عندنا 
فعيطت من الفرحة و مسكت ايديك جامد اوى 

" الاسطورة بتقول بردو ان البكاء فى الحلم فرج "

..........................

كنت متعودة احكى لماما كل احلامى بس الفترة دى مش بحكى حاجة
مش عايزة حد يدخل جوايا ويعرف تفاصيل مش حابة ان نفسى اعرفها 
اكتشفت فى حوار مع بنت خالتى ان الاحلام اللى شفتها هى كمان شافتها 
قالتلى الاحلام دى طبيعية فى فترة كلها قلق وخوف من حياتى 

" الواقع بيقول ان هى مشكلتها اتحلت يبقى احتمال انا كمان "

..........................

اللهم اجعل لى من احلامى السعيدة نصيبا




الأربعاء، 31 يوليو 2013

صوت الحلم


الحلم تنهيدة و صوت من القلب
وبسمة طالعة برضا بتقول يارب

..................

الحلم صوت العاشمنين فى المعجزة

مصطفى التلوانى

الثلاثاء، 30 يوليو 2013

وطن




بالامس حلمت بك 
لم تحملنى إغفاءة إليك 
ولكن حملتنى نظراتى لعينيك الى احلام قلبك 
بالامس اهديتنى الامل 
البستنى الابيض 
وطوقت احلامى بذراعيك 
ومنحتنى نسخة منك
بالامس ادركت ان الوطن حلم يستقر داخلنا فقط 

الاثنين، 29 يوليو 2013

أحلام قيد الاإنتظار




 


الأحد، 28 يوليو 2013

غفوة حلم


تتباعد الاحلام عن جفنها الذى ما عاد يقوى على النوم
اعتادت الاستيقاظ حتى فى نومها فزهدتها الاحلام
يتسارع نبضها كلما منها ذلك الطيف
فهى تخشى ان يتملكها النعاس فيقترب طيفه مع ذلك الحلم اللعين
حلم يتكرر فى الصحو مرارا لكنها تؤمن ان فى الصحو تتمكن من المقاومة
بينما فى النوم تصبح مسلوبة الارداة ويوما صادفها فى طريق لم تكن يوما لتسيره
الا ان رحمة الله دفعتها للمواجهة فادارت وجهها شامخة مبتسمة
ومنذ ذلك الحين وهى تخلد للنوم مطمئبة فحلم طيفه قد غفا الى الابد

-----------------------------
عندما وجدتهم جالسين سويا وبنظرة يملاها التعالى يطالبونها بالرحيل
فما عادوا بحاجة اليها استشاطت غضبا وقررت ان تستيقظ وتقطع ذلك الحلم
وبمنتهى البراءة سألته مش انت كل الدنيا ليا قالها اه طبعا
 قالتله انا عايزة فلوس كتير اوى
احتضنها وطلب منها النوم وفى الصباح سيمنحها كل ما تريد من المال
ومع اشراقة شمس طموحها ادركت انها تملك اهم مما لديهم
 وقررت ان يغفو حلمهم و يستيقظ فقط واقعها

------------------------------
يدفعها للأمام دائما لمستقبل تخطه يداها بإبتسامة عيناه
فنجاحها يزيد حبه لها وسعادتها هى غايته لذا تعشق نجاحاتها جواره
كما تعشق تأمل وجهه وهو نائم وعندما يستيقظ ايضا
ويوما اخبرها كم يغار من النوم واحلامه التى تداعب جفونها وهو لا يستطيع منعها
فاجابته منذ أحببتك وانا اغزل احلامى من عنيك فما لا حاجة بالنوم فانا احلم مستيقظة

------------------------------
كن مؤمن بان واقعك السئ ما هو الا حلم يمكنك الاستيقاظ منه
 بالاجتهاد والاعتماد على الله
وبان واقعك السعيد ما هو نتاج احلام يقظة يعيها العقل فينفذها
وعليك ان تقرر بين ان تغفو الاحلام كما النوم او ان تحلم مستيقظا

من كتابى الالكترونى ورق ملون 

السبت، 27 يوليو 2013

أحلام خالية المعنى



استغربت انى حلمت بيكِ 
بس الاغرب لما اصحى من النوم الاقى ان اليوم ده عيد ميلادك 
طيب ليه ؟ انتِ كنتى قاصدة بجد الكلام اللى قولتهولى فى الحلم 
على فكرة انتِ كمان وحشتينى اوى مع انى مش عارفة ليه !!!

......................

الحلم كان أبيض وأسود مع اننا فى زمن الالوان 
بس علشان المكان كان حقيقى زيادة عن اللزوم
لفيت فى نفس الشارع مرتين 
كنت بسال نفسى انا ايه جابنى هنا 
او يمكن كنت بتأكد ان الشارع والبيوت ووشوش الناس حقيقية
انا فاكرة كل ملامح الحلم حتى انه كان من غير ناس اصلا !!!!

.........................

انا مش هقدر اعمل حاجة علشان انا مش عايزة اعمل حاجة 
 بلاش نظرات الحزن اللى بتيجى مخصوص علشان تبصهالى 
مهو انا حتى لو وجودى مؤثر مش هتصرف اى حاجة هقف اتفرج بس 
مش علشان انا بقيت نادلة ولا فقدت احساسى باللى حواليا 
علشان ده مجرد حللللللم !!!

.........................

على قدر حلمك تتسع الأرض
محمود درويش 

الجمعة، 26 يوليو 2013

شخابيط ملونة



كل حاجة فى الماضى بتزعلنى 
 بجد بزعل اوى لما بفتكر او بفكر فـ حاجة عدت 
يمكن فى الاسبوع ده كنت بجاهد نفسى علشان اجيب اى حاجة مبهجة 
او فيها امل وافضل محافظة على اتفاقى مع نفسى ومعاكم فى البداية 
ان كل الحوليات هتكون مبهجة برغم اى شئ 
بس حبيت اسجل فى اخر يوم من اسبوع ده 
انه كان اسبوع  شاق جداااا عليا نفسيا وذهنيا 
والحمد لله انه خلص بسلام ويارب تكونوا استمتعتم باللى كتبته فيه 
واكون قدرت احافظ على اتفاقى 

.........................

بحفظ التواريخ المهمة فى حياتى مش بحفظها متعمدة ولا حاجة 
بس هى بتتحفظ لوحدها و بتفاصيل اليوم كمان 
ما بين التواريخ دى بقى فـ احداث كتير اووووى 
مش بحب افتكرها مع انى مش بنساها ابدا 
انا بطبعى شخصية متناقضة مش جت على دى يعنى :)

..........................
كلمة فاكر/ة بتفكرك بإيه ويمين ؟
انا كلمة فاكر/ة بتفكرنى على طول بقصيدة حواديت قديمة لـ أحمد حداد
تقوله فاكر يرد فاكرة
ورق التذاكر ... ورق المذاكرة
كل الاغانى يعيدوها تانى
وهو فاكر وهى فاكرة
جربت تربط كلمة بذكرى حلوة او غنوة مبهجة او حتى شخص يضحكك
لو لسه مجرتش اوعى تضيع الفرصة دى وجرب

................................
أغمرنى بحنان و تناول بعض دقات القلب المرهقة بفعل الذاكرة
 وأخبرنى من احببت قبل ان تلقانى
ومن هنا لا تعنى اسمائهن ولكنها تستنكر ان تكون حقا فعلت
أسالنى عن حبيبى السابق وليكن سؤالك قاسى بحجم خذلانه
تجاوز معى بحور الحب السبع
 و احكى لى قصة حب حدثت منذ زمن بعيد كان بطلاها نحن

................................

بحبكم فـ الله

الخميس، 25 يوليو 2013

حبايب روحى


اكتر شخصيتين كان نفسى اقابلهم 

مصطفى محمود 
زمان وانا بتفرج على برنامج العلم والايمان كان نفسى اوى اتكلم معاه
واقعد اساله الاسئلة الرخمة بتاعت الاطفال 
و كان جوايا يقين انى لو سالته اى سؤال هيجاوب عليا بصدر رحب وبمنتهى السهولة 
كان هو السبب انى احب دينى بزيادة وانى اعتمد فى قربى لربنى على روحى 
الروح هى اللى هتقودك لله وللخير والجمال والحب 
فى اى حاجة بتحصلى كنت بفتكره إن بداية كل شئ  هى بالتأمل واعمال العقل 
وينتهى بالتسبيح و الاجلال لعظمة الله 

محمد متولى الشعرواى 
مش بعرف اتكلم عنه خالص بس بحبه جدا 
و الحمد لله شفته مرتين فى رؤية  
نصحنى فى حاجتين كانوا مهمين اوى فى حياتى والحمد لله حصلوا 
صوته بيطمنى وبيقوينى وكتبه مرجع مهم جدا بالنسبالى 

وهسيبكم بقى مع دعاء ركبت فيه اجزاء من ادعية للشيخ الشعراوى
مع اجزاء من كتاب " أناشيد الاثم والبراءة " لدكتور مصطفى محمود
ونشرته على مدونتى شئ سيبقى بيننا بتاريخ 25/11/2010



رب لا أشكو و لكن أرجو
أرجو رحمتك التي وسعت كل شيء أن تسعني
أنت الذي وسع كرسيك السماوات و الأرض
أنت الفاعل سبحانك و أنت مجري الأقدار و الأحكام
و أنت الذي امتحنت و قويت و أضعفت و سترت و كشفت 
و ما أنا إلا السلب و العدم .. و كل توفيق لي كان منك و كل هداية لي كانت بفضلك
و كل نور كان من نورك .. ما أنا إلا العين و المحل 
و كل ما جرى علي من استحقاقي و كل ما أظهرت فيّ كان بعدلك و رحمتك
ما كان لي من الأمر شيء 
و هل لنا من الأمر شيء !؟ 
أنت أنت وحدك 
و ما أرتضي مشوار هذه الدنيا إلا لدلالة هذا المشوار عليك 
و ما يبهرني الجمال إلا لصدوره عنك و ما أقصد الخير و لا العدل و الحرية و لا الحق
إلا لأنها تجليات و أحكام أسمائك الحسنى يامن تسميت بأنك الحق
فحسبي النية و المبادرة فذلك جهد الفقير .. فليس أفقر مني .. 
زادي منك و قوتي منك و رؤيتي منك و نوري منك
و لا سر إلا سرك و إن تعددت الأسماء و تنوعت المفاتن و اختلفت الوجوه
إنما هو أنت وحدك المحبوب أينما توجه قلب محب
و أنت وحدك المعبود أينما توجهت نظرات عابد
و أنت وحدك الرزاق و إن تعددت الأيدي التي تعطي
إنما تستمد جميع المصابيح نورها من نورك
كل مصباح يأخذ منك على حسب استعداده و يعطي من نورك على حسب شفافيته
و لكن العطاء في الأصل منك و الجمال منك و النور منك
لا إله إلا الله حقاً و صدقاً
و ذاتك هي واحدة الحسن 
الحسن كله منها 
و الحب كله لها 
و يدك هي المشيئة
الفعل كله منها و القوة كلها بها 
و إن تعددت الأيدي في الظاهر و ظن الظانون تعدد المشيئات
و إن تعدد المحبون و تعددت المحبوبات
سبحانك لا شريك لك
سبحانك و الحمد لك
سبحانك والحب لك


الثلاثاء، 23 يوليو 2013

ماض لم يغيب



لازلت اهوى عد النجوم فى الليالى الصيفية المقمرة 
وتتبع القمر وحركة السحاب كلما حملنى الطريق 
لا اذكر ان شئ بى تغير
 لازلت انا الطفلة التى ترقض على سلالم المنزل 
و تغنى بصوت عالِ 
وعندما تفكر فى ذاتها تنزوى لتبكى كثيرا 

..............

لشدة عشقى للراديو والشعر كنت اسجل القصائد المغناه 
و اظل بالايام اسمعها كى احفظ كلامتها واللحن كذلك
لا اعلم اين اختفت تلك الشرائط
لكننى اذكر كل القصائد اللى حفظتها و بترتيب تسجيلها !!

................

ما من ماضى أحن إليه فقد تناسيت كل ما مضى 
و أصبحت اعتنى بحاضرى جيدا 
حتى أحن اليه بفخر فى المستقبل 

................

تذكروا فقط المبهج من ماضيكم 
فالحنين الى الفرح يصنع المستقبل السعيد 


الاثنين، 22 يوليو 2013

مصر زمان


الأحد، 21 يوليو 2013

أبيض وأسود



الافكار المسيطرة على ذهنى ان الزمن القادم من الخلف 
لم يتلون مطلقا ولكنه اكتفى بالابيض والاسود 
فـ هل كان صادق الى هذا الحد ؟

.....................

صندوق ذكرياتى يحتوى على تفاصيل دقيقة 
 ورقات مطوية اُنتزعت من منتصف كراسات العربى 
وتحتوى فقط على إسمى  ...
 احتفظت كل واحدة منا بخطوط طفولية لأسمها 
مازلت اذكر صاحبة كل خط ... هل ما زالت الورقات تذكركن بى 
ام انها لم تصمد امام فعل الوقت بها ؟؟

...................

وحدهن الجميلات يمتلكن قلب أبيض و ذاكرة سوداء
لا تنزعج ...
 فالجمال الذى أقصد هو القلب الذى تحمل كل ما مضى 
وظل على نقاؤه 

..................

سر تعلقنا بالماضى هو ذاته سر تعلقنا بالأمل 
فقد اكتسبت قلوبنا ذلك باليقين 
فالقمر يبدد ظلمة السماء 


السبت، 20 يوليو 2013

شهرزاد بعد الالف ليلة




بلغنى ايه الملك السعيد ذو الرأى الرشيد
أن الاوان قد آن لنعود الى مملكة شهران
عبر بحار الماضى العميقة فلتغفو يا مولاى لدقيقة ....
يحكى ان الاميرة قد بلغ بها الجمال مبلغ الحور الحسان
وطمع كل الملوك والامراء فى الفوز بقلبها
ولكن الاميرة لازالت تنتظر الشاطر حسن حتى يعود من رحلته الطويلة
ليحملها على حصانه الأبيض و يعبر بها  البحار والازمان ويغمرها بالحب والحنان
وفى ليلة مقمرة تشبه وجهك بالتمام تلاقت عيناها " بك "
وبدأت الاساطير تتوالى على ذهنها لتأسر قلبك و تتورط فى عشقها 
فكانت مجمل الاساطير ما هى الا جزء اسطورتى معك 
وبعد الخمسون عاما التى انقضت اليوم كان على ان اعيدك الى حيث البداية 
فلم اشعر مطلقا بالليالى ولم يعنينى صياح الديكة فكلما غفوت انا استمتعت بإستسلامك انا 
وقد كان العمر جوارك اروع رحلة اسطورية أسرت بجمالها القلوب الالباب 




الجمعة، 19 يوليو 2013

عالق بالروح

سورة


آية 


دعاء




الخميس، 18 يوليو 2013

لو ده جنان اتجنن




لو ده جنان اتجنن 
صفى كل حساباتك القديمة مع الدنيا 

(1)
جيب ورقة وقلم واكتب اسماء كل الناس اللى ضايقتك فى حياتك 
وبعدين صلى ركعتين لله وأنوى انك هتسامحهم 
وبعد ما تسلم ادعى ربنا انه يثبت قلبك 
شوف ايه الوسيلة اللى ينفع تبعتلهم بيها رسالة محتواها 
" انا مسامحك ابتغاء مرضات الله "

(2)
جيب ورقة وقلم واقسم الصفحة نصيين واكتب على اليمين 1 والشمال 2 
فى النص الاول اكتب اكتر موقف زعلك فى حياتك 
وفى النص التانى اكتب اكتر موقف فرحك 
وبعدين طلع العلاقة بين الموقفين و اكتب التاثير الايجابى لكل واحد فيهم 
وكل ما تحس إيمانك قل أعمل مقارنة 

......................

لو ده جنان اتجنن 
وخلى حد متعرفوش يأخد حسنات 

(1)
اطلب من حد متعرفوش انه يدعيلك بظهر الغيب 
 وقوله انا حاسس ان ربنا بيحبك و هيقبلك دعوتك ليا 

(2)
اسال حد متعرفوش عن معنى آية معينة فى القرآن 
وخليه يفكر معاك ويتدبر فى المعنى 

....................

لو ده جنان اتجنن 
وقرب لربنا بكل حواسك 

(1)
سبح على صوابعك وبلاش تستخدم اى وسيلة تانية للتسبيح 
لسانك هيتعود على الذكر و حركة صوابعك هتفكرك بالتسبيح 
لو نسيت شوية هما هيفكروك 

(2)
وانت بتقرأ قرآن ركز فى الايات وشكل الكلمات واقرا بصوت مسموع 
عنيك هتحفظ الايات و لسانك هيستمتع بحلاوة التلاوة 
واول ما هتسمع القرآن عقلك هيسترجع اللى قرأته قدام عنيك وبلسانك 



الأربعاء، 17 يوليو 2013

إبتهالات



انا عاشقة للابتهالات وصوت النقشبندى و نصر الدين طوبار 
و الابتهالات حاجة كدا تخليك عايش فى دنيا تانية خاااالص 
بتنقلنى لجو الحضرة اللى نفسى احضره بس اعتقد ده للولاد بس 
يمكن انا بقالى فترة طويلة مش مهتمه اسمع اغانى ولان دايما اذاعة القرآن مفتوحة 
فالابتهالات بقت هى اللى بفتكرها اكتر فى الفترة دى 


هقولكم الاول بعض الابتهالات اللى بحبها جدا لـ نصر الدين طوبار 

رمضان أشرق فالدنى تتطلع ظمئى لنور من كتابك يسطع 
ايقظت قلبى فاستفاق ميمما شطرات الهدى يرنو اليك و يسمع 
سأقوم ليلك داعيا متبتلا واظل يومك خاشعا اتضرع 
اول ما بسمع الابتهال ده يبقى رمضان جه خلاص مش جه فى التوقيت 
لا جه فى الاحساس والحالة بكون حاسه انى شايفه الهلال خلاص 
وان اجواء رمضان الروحانية ابتدت فعلا 

جل المنادى ينادى يا عبادى انا ماحى الذنوب والاوزار 
إلهى بنورك اهتدينا وبفضلك استعنا و بك اصبحنا وامسينا 
من الابتهالات القوية جدااااا واللى بتاثر فيا اوى 

بك استجير فمن يجير سواك 
فأجر ضعيف يحتمى بحماك

الثلاثاء، 16 يوليو 2013

ربنا يحبك



لما ربنا بياخد منك حاجة بتحبها اوى 
فده علشان يختبر قلبك انت بتحب الحاجة دى اكتر 
ولا بتحب ربنا اكتر علشان بعتهالك 
لو بتحب الحاجة اللى اخدها منك حزنك عليها هيشغلك عنه
انما لو بتحبه اكتر هتجرى على سجادتك و تبكى بين ايديه وتقوله يارب محتاجلك
عارف زى ما ربنا بيمتحن ايمانك وصبرك كمان بيطبطب عليك 
بيبعتلك ناس حلوين اوى وقت ما تكون مضايق علشان يسعدوا قلبك 
و يجيب فى بالك آية او حديث يهون حزنك ويصبرك 
وبعدين لما تنجح فى الامتحان بيكافأك مرتين
مرة فى الدنيا بتعويض عن الحاجة اللى خسرتها 
ومرة فى الآخرة بثواب عن صبرك 
شفت قد ايه ربنا بيحبك

الاثنين، 15 يوليو 2013

حُرية الحواس



هو يعنى ايه روحانيات 
يعنى الحاجات اللى بتلمس روحك وتخلي كل حواسك فى وضع استمتاع وحرية
عارف يعنى ايه حواسك حرة 
يعنى عنيك تدمع فجأة او لسانك يردد آية لوحده او قلبك يتنفض من الخشوع 
وايديك بشكل تلقائى تسبح و مراكز الاحساس فى روحك فى حالة استرخاء تام
جربت الحرية دى فى الصلاة 
لما تصلى ركعتين لله - شكر او حاجة - فتحس انك عايز تطول فى السجود 
وتلاقى عنيك سجدت بالدموع معاك فتحس براحة استعمرت روحك
طيب جربت الحرية فى الصوم 
لما توصل لدرجة انك بتحس بالارتواء لما تقرا القرآن 
وتحس ان ذهنك طول الوقت بيسبح حتى وانت بتعمل حاجات تانية كتير 
وتلاقى انك نشيط بزيادة وكل اعراض الصيام اللى الناس حاسة بيها مش وصلاك انت 
فتحس بسعادة ان صيامك حُر
الاكيد انك جربت حرية التقرب لله 
لما تيجى قدام عنيك صورة الكعبة وتلاقى لسانك بيقول يااااارب اكتبهالى 
وتلاقى عنيك بتلمع بالدموع لما تسمع بالصدفة آية معينة 
ولما حد يدعيلك دعوة بتحبها فتحس ان عقلك متيقن انها فى مرة هتصادف ساعة الاجابة
وصل حواسك للحرية
هتحس قد ايه العبادة نعمة كبيرة اووووى

You can replace this text by going to "Layout" and then "Page Elements" section. Edit " About "