Elegant Rose

الجمعة، 20 سبتمبر 2013

سبتمبر الأحلام



فى بداية سبتمبر كنت سالته
هل سيكون على عهده معى و يمنحنى بداية رائعة ؟
والاجابة وصلت الحمد لله و قال اه
وحددنا معاد فرحى ان شاء الله فى شهر الحب


وكمان عملى مفاجاة واتنشر خبر عن كتابى " ورق ملون "
فى مجلة نصف الدنيا عدد النهاردة 
هو اه مش اول خبر يتنشر عنى ولا حاجة 
لكن الفكرة ان دى مجلة والمجلات ليها احترامها بردو (زى ما علمونا فى الكلية يعنى :D)
صورة بالالوان و ورق جلاسيه لميع وغلاف و قطاع مميز من الجمهور 
ده غير ان دى مؤسسة الأهرام وان اسمى يبقى فى اى حاجة تبع الاهرام ولو من بعيد كان حلم مستحيل
 
اقوم الاقينى فى نصف الدنيا اللى كنا بنشوف اعلاناتها فى التليفزيون واحنا صغيرين
 
وكأنى فى حلم ولازلت مش مستوعبة




 اما بقى الحاجة اللى كانت مخليانى صاحية من اول امبارح
 انى اخيرا بقى عندى البوم لصور خطوبتى
بعد معاناة فى تقطيع الفيديوهات اللى اساسا بايظة علشان اطلع اى لقطات حلوة
مرورا بان صاحب الاستديو قالى الصور مش هتنفع بعدين لما لقانى خلاص هنهار قدامه
قالى طيب نجرب كدا و نشوف والحمد لله الحمد لله طلعلى الصورة تحفففففففة
اتفرجت عليهم يجى عشر مرات مع انى انا اللى مقطعاهم اساسا
بس فعلا المعاناة هى اللى بتخلى اى حاجة ليها طعم مختلف وفرحة متتوصفش
وبالنسبة للفستان اللى مالوش اى صورة طلعت كاملة فـ علشان هو يستاهل
 هتصور بيه صورة مخصوص زى بتاعت احمد راغب كدا مش هظهر فيها هو بس 


ومن موقعى هذا بعد كل الحاجات الحلوة اللى حصلت فى سبتمبر 
احب اقول ان سبتمبر الاحلام بيقولكم ستستمر الاحلام ^_^

8 التعليقات :

Alone Spirit يقول...

مبروك ياعثل

Lobna Ahmed Nour يقول...

شهر الحب ده اللي هو فبراير ولا نوفمبر؟ :)
ألف مبروك يا آية، ويا رب مبسوطة دايمًا :))

KhaOula Kasmi يقول...

الف مبروك يا آية وان شاء الله حياتك كلها افراح واحلام متحققة :*

aya mohamed يقول...

محمد

ربنا يباركلى فيك يااااارب :)

aya mohamed يقول...

لبنى

فبراير يا لولو :)
ربنا يبارك فيكى يا حبيبتى تسلميلى يارب :*

Unknown يقول...

ألف مبرووووك يا آيه الجميلة
تستاهلي كل خير و سعادة :)
ربنا يحفظكم و يكمل سعادتكم
و تحققي كل ما تتمنيه

aya mohamed يقول...

خولة

ربنا يبارك فيكى يا حبيبتى يارب
مبسوطة انك هنا :*

aya mohamed يقول...

شيرين

ربنا يبارك فيكى يا حبيبتى
و يسعد قلبك زى ما بتسعدينى <3

إرسال تعليق

You can replace this text by going to "Layout" and then "Page Elements" section. Edit " About "