Elegant Rose

الثلاثاء، 16 يوليو 2013

ربنا يحبك



لما ربنا بياخد منك حاجة بتحبها اوى 
فده علشان يختبر قلبك انت بتحب الحاجة دى اكتر 
ولا بتحب ربنا اكتر علشان بعتهالك 
لو بتحب الحاجة اللى اخدها منك حزنك عليها هيشغلك عنه
انما لو بتحبه اكتر هتجرى على سجادتك و تبكى بين ايديه وتقوله يارب محتاجلك
عارف زى ما ربنا بيمتحن ايمانك وصبرك كمان بيطبطب عليك 
بيبعتلك ناس حلوين اوى وقت ما تكون مضايق علشان يسعدوا قلبك 
و يجيب فى بالك آية او حديث يهون حزنك ويصبرك 
وبعدين لما تنجح فى الامتحان بيكافأك مرتين
مرة فى الدنيا بتعويض عن الحاجة اللى خسرتها 
ومرة فى الآخرة بثواب عن صبرك 
شفت قد ايه ربنا بيحبك

4 التعليقات :

Hanan w Haneen يقول...

ونعم بالله . ربنا يرزقنا جميعا حب الله
تسلمي يا ايوووشة :-)

asmaa khalifa يقول...

ياااااه على الكلام لما يجيلك في نفس الوقت اللي انت بتمر فيه ينفس الحالة ..تعرفي أنا مريت بكل حاجة كتبتيها هنا ..الانشغال بحاجة والحزن إن ربنا أخدها مني لدرجة الغضب إني بعدت وبعدين رجعت وبعدين أصادف آيات في المصحف تقولي لأ اللي انت فيه ده غلط وبعدين أقرر أعتزل الناس ولما أرجع ألاقي الناس اللي بتحبني بتسأل عليا وبتدعيلي وبتطبطب عليا وهي في الأصل طبطة ربنا عليا .. فعلا ربنا بيحبني بس انا اللي محتاجة شدة ودن ..
تسلمي على الفكرة والتدوينة :)

Aya Mohamed يقول...

حنان

اللهم آمين يارب
ربنا يكرمك يا حبيبتى :)

Aya Mohamed يقول...

اسماء

كلنا بيجى علينا وقت و ايمانا بيضعف شوية
لكن لازم كل فترة نجدده بالاستغفار والدعاء
ربنا يسعد قلبك يارب :)

إرسال تعليق

You can replace this text by going to "Layout" and then "Page Elements" section. Edit " About "