ضحكة مصر
هتحس بيها فى الشوارع هتحس ان الهواء بيحضنك وان الجو فرحان
جربت تبص فى وشوش الناس كل يوم وتلاقي الغيوم مسيطرة عليها ده طبعا العادى بتاع كل يوم
بس جرب تبصلها تانى اليومين دول هتلاقيها اتغيرت فى حالة من السماحة على الوشوش
اصل لما كلنا بنقول فى وقت واحد " مــصــر " حاجات كتير اوى بتتغير
ضحكة مصر
هتشوفها فى وشوش الاطفال اللى بقت بتحب تحية العلم أكتر من لعب الكورة
هتشوفها فى كلامهم عن أحلامهم اللى آخر كلمة فيها علشان مصر
هتحس بيها اول لما تلاقى الاطفال مصممين ينزلوا المظاهرات
هتلاقيهم بيهتفوا بصوت يهز قلبك و بيغنوا لمصر أغانى الثورة اللى حفظوها صم
ولو قربت من المشهد أكتر ممكن يوصفولك احسن من اى محلل سياسى احنا عاملين ثورة ليه بأبسط الكلمات
اللى هتخليك لا إراديا تدمع و تحس قد ايه كنا لازم نمر بالظروف دى علشان بس
نشوف فـ عيونهم ضحكة مصر
ضحكة مصر
هى الحالة اللى نفسنا تفضل على طول
وعلى قد ما مصر غالية على قد ما التحدى بيكون أصعب
أبكى أنزف أمووووت و تعيشى يا ضحكة مصر
وتعيش يا نيل يا طيب وتعيش يا نسيم العصر
وتعيش يا قمر المغرب و تعيش يا شجر التوت
وتعيشى يا ضحكة مصر
18 التعليقات :
يارب ترجع ضحكة مصر ونتوحد من تانى
صباحك بيضحك
نصرة
اللهم آمين يااارب
صباحك تفاؤل :)
:D و هتضحك قريب و هتفرحنا بيها و معاها .. الله كريم
وتعيش يا نيل يا طيب وتعيش يا نسيم العصر
وتعيش يا قمر المغرب و تعيش يا شجر التوت
وتعيشى يا ضحكة مصر
الله عليكِ بقى :D جميلة يا آية وتعيش ضحكة مصر :)
تحيا مصــــــــــــــــــــــــر
ويسلم قلمك
مصر ثارت أصلاً لما لقت ضحكتها بتروح منها قدام عينيها :)
تحيا مصر يا آية
في انتظار جديدكِ :)
تعيشى ياضحكة مصر
يارب مصر بخير والأيام اللى جاية تبقى أحسن
رقيقة كالعادة يا آيه:)
تعيش مصرا أما للجميع
حفظها الله
إن شاء الله خير
حياكِ الله
Dina
ان شاء الله يا دينا ربنا كريم :)
Enjy Selim
انتى اجمل يا أنجى
نورتينى :)
مارو
تسلمى يا جميلة :)
Sara
مصر بقت بتستمتع بينا فى الشوارع
ربنا ينصرنا يارب
نورتى يا سو :)
اميرة
ان شاء الله مصر هتبقى فـ احسن حال
انتِ جميلة اصلا
رشيد أمديون
ان شاء الله ظ
أسعدتنى :)
يارب ترجع ضحكة مصر المسروقة من اكتر من 30 سنة
مين اللى يقدر ساعه يحبس مصر؟
د/دودى
طبعا ولا حد :)
نورتينى
Hanan w Haneen
اللهم آمين يا حنون
ودايما مصر فرحانة و بتضحك كدا ان شاء الله
إرسال تعليق