Elegant Rose

الثلاثاء، 2 يوليو 2013

ضحكة مصر




ضحكة مصر
هتحس بيها فى الشوارع هتحس ان الهواء بيحضنك وان الجو فرحان 
جربت تبص فى وشوش الناس كل يوم وتلاقي الغيوم مسيطرة عليها ده طبعا العادى بتاع كل يوم 
بس جرب تبصلها تانى اليومين دول هتلاقيها اتغيرت فى حالة من السماحة على الوشوش 
اصل لما كلنا بنقول فى وقت واحد " مــصــر " حاجات كتير اوى بتتغير 


ضحكة مصر
هتشوفها فى وشوش الاطفال اللى بقت بتحب تحية العلم أكتر من لعب الكورة
هتشوفها فى كلامهم عن أحلامهم اللى آخر كلمة فيها علشان مصر
هتحس بيها اول لما تلاقى الاطفال مصممين ينزلوا المظاهرات 
هتلاقيهم بيهتفوا بصوت يهز قلبك و بيغنوا لمصر أغانى الثورة اللى حفظوها صم
ولو قربت من المشهد أكتر ممكن يوصفولك احسن من اى محلل سياسى احنا عاملين ثورة ليه بأبسط الكلمات 
اللى هتخليك لا إراديا تدمع و تحس قد ايه كنا لازم نمر بالظروف دى علشان بس 
نشوف فـ عيونهم ضحكة مصر 


ضحكة مصر 
هى الحالة اللى نفسنا تفضل على طول 
وعلى قد ما مصر غالية على قد ما التحدى بيكون أصعب 
أبكى أنزف أمووووت و تعيشى يا ضحكة مصر 
وتعيش يا نيل يا طيب وتعيش يا نسيم العصر 
وتعيش يا قمر المغرب و تعيش يا شجر التوت 
وتعيشى يا ضحكة مصر


18 التعليقات :

Unknown يقول...

يارب ترجع ضحكة مصر ونتوحد من تانى
صباحك بيضحك

aya mohamed يقول...

نصرة

اللهم آمين يااارب
صباحك تفاؤل :)

Dina يقول...

:D و هتضحك قريب و هتفرحنا بيها و معاها .. الله كريم

إنجي عرابي يقول...

وتعيش يا نيل يا طيب وتعيش يا نسيم العصر
وتعيش يا قمر المغرب و تعيش يا شجر التوت
وتعيشى يا ضحكة مصر

الله عليكِ بقى :D جميلة يا آية وتعيش ضحكة مصر :)

richardCatheart يقول...

تحيا مصــــــــــــــــــــــــر

ويسلم قلمك

Sara يقول...

مصر ثارت أصلاً لما لقت ضحكتها بتروح منها قدام عينيها :)

تحيا مصر يا آية

في انتظار جديدكِ :)

Amira Ramadan يقول...

تعيشى ياضحكة مصر
يارب مصر بخير والأيام اللى جاية تبقى أحسن
رقيقة كالعادة يا آيه:)

رشيد أمديون يقول...

تعيش مصرا أما للجميع
حفظها الله
إن شاء الله خير

حياكِ الله

aya mohamed يقول...

Dina

ان شاء الله يا دينا ربنا كريم :)

aya mohamed يقول...

Enjy Selim

انتى اجمل يا أنجى
نورتينى :)

aya mohamed يقول...

مارو

تسلمى يا جميلة :)

aya mohamed يقول...

Sara

مصر بقت بتستمتع بينا فى الشوارع
ربنا ينصرنا يارب
نورتى يا سو :)

aya mohamed يقول...

اميرة

ان شاء الله مصر هتبقى فـ احسن حال
انتِ جميلة اصلا

aya mohamed يقول...

رشيد أمديون

ان شاء الله ظ
أسعدتنى :)

Hanan w Haneen يقول...

يارب ترجع ضحكة مصر المسروقة من اكتر من 30 سنة

د/دودى يقول...

مين اللى يقدر ساعه يحبس مصر؟

aya mohamed يقول...

د/دودى

طبعا ولا حد :)
نورتينى

aya mohamed يقول...

Hanan w Haneen

اللهم آمين يا حنون
ودايما مصر فرحانة و بتضحك كدا ان شاء الله

إرسال تعليق

You can replace this text by going to "Layout" and then "Page Elements" section. Edit " About "