Elegant Rose

الجمعة، 18 أكتوبر 2013

إمتزاج باللأوعى




- على فكرة تفاصيلك زى ما شفتها فى الحلم بالظبط .. الحلم اللى شفته قبل ما اشوفك اصلا 
الحلم اللى كل تفاصيله اتحققك بس لسه تفصيله صغنونة عندى يقين ان ربنا هيحققهالى 
- على فكرة انتى جميلة اووووووووووى 

..................................

- آية انا خايفة عليكى اوى انتى ليه تايهه كدا 
- خايفة اسيب نفسى أفرح اتوه منى معرفنيش 

.................................

- اتغيرتى اوى حاسة انى بشوفك لأول مرة جبتى القوة دى منين  
- طول عمرى فظيعة اساسا ومحصلتش 

.................................

- انا حلمت بـ سعاد يا ماما و إيمان و آية هو انا ليه بقيت بشوف صحابى كتير الأيام دى
- عايزة تشوفيهم بس ... هتعزميهم فى فرحك ان شاء الله ؟
- لا

..............................

- عارفة انا كل ما بسمع محمد هنيدى و هو بيغنى " مين حبيب بابا " بأفتكرك 
- مستغرب انك بتفتكرنى ولا مستغرب ان حبيب بابا طلع شبهى مع انى مش أمه ؟!

...............................

- انا أكلت تمر فى فلسطين و ركبت قطر فى إيطاليا 
بس اللى حصل بعدها ان  جالى تمر هدية من فلسطين 
و اتعملى لايك من الولد اللى كان بيحبنى فى ثانوى فلما دخلت بروفيله اكتشفت انه هاجر إيطاليا 
- ومحمد عارف بالولد ده 
- لما قابلت الولد فى ايطاليا عرفته انى إتجوزت 

................................

اوقات بنحلم بحد علشان احنا نفسنا نقابله بجد واوقات بنحلم بيه علشان هو نفسه يقابلنا 
واوقات بنحلم بحاجة نفسنا تتحقق واوقات بنحلم بحاجة علشان خايفين تتحقق 
واوقات ربنا بيبعتلنا اشارات و رسايل فى المنام 
بس الأكيد فى كل الاوقات دى ان الحلم طبطة على القلوب 


6 التعليقات :

Unknown يقول...

عندي مشكلة الإمتزاج
بس مش مع الأحلام
مع الخيال..

جميلة التدوينة :)

رحاب صالح يقول...

انا كمان عندي امتزاج بالاحلام
وبالخيال
وبالواقع
مش عارفة
بس كل شيء احيانا بيمتزج بكل شيء
فمبقاش عارفة اية حقيقي واية خيال
جميلة اووي يا آية
ومبرووووك يا قمرة

أسماء فتحي يقول...

الحلم طبطبة على القلوب
جميلة يا آية كل منا يحلم ولكل سببه
المهم أن نجد في الحلم ملاذنا

aya mohamed يقول...

شيرين سامى

انا بقى عندى توحد بين الاحلام والخيال
كل حاجة عندى بايظة تقريبا ههههههه
انتى الاجمل على فكرة <3

aya mohamed يقول...

رحاب

الحقيقى هو اللى الناس شيفاه الخيال بقى هو احساسك بالاموجود
ايه رايك فى الفلسفة دى
الله يبارك فيكى يا حبيبتى مع انى مش عارفة على ايه :D

aya mohamed يقول...

اسماء

وحشتينىىىىىىى
الاحلام حالة حلوة صادقة الى ابعد الحدود
ربنا يكتبلنا نصيب من احلامنا الحلوة يارب

إرسال تعليق

You can replace this text by going to "Layout" and then "Page Elements" section. Edit " About "