Elegant Rose

الجمعة، 22 نوفمبر 2013

حواديت الملك



- هو انتى بتسمعى منير ازاى ؟
- انا مش بسمع منير انا بعيشه

هو بجد منير مش مجرد اغانى وكلمات والحان لا خالص
منير حالة بتتعاش مع كل اغنية بكون شايفة المكان وواقفة فى نص الحدوته
بلاقينى واقفة قصاده على شط النيل و عنيه الحزينة بتقول خايف اوعدك موفيش
و ببصله بفرحة و اندهاش وهو بيعترف آمر الهوى قلبى ميشلش غير واحد
بحس انى بردانة اول ما اسمع منه وحدى لكن ونسان وماشى كدا
وبكون فى قمة السعادة وهو بيغنيلى  شمندورة

- انتى ليه شمندوره ؟
- علشان بحبه

بحس انى شيفاك فى صوته وانت بتقولى يا أجمل من الصورة دوب يا دوب
خلتنى احبنى فى الصور اصلا

- عارفه ان منير غنالك
- ياسلاااااام
- مش سمعتيه وهو بقول حكايته حكاية و روايته رواية جميل بس آية شغل بالى

- فاكرة ان كل الناس اللى قابلتهم فى حياتى اهدونى اغانى لمنير

كلهم سابو مع اغنية لمنير ذكرى  علشان كدا لما بسمع اى اغنية ليه لازم اسرح وابتسم 


2 التعليقات :

رحاب صالح يقول...

واو
حلو ميكس الاغاني والكلام ده يا آية

aya mohamed يقول...

رحاب

تسلمى يا حبيبتى يارب

إرسال تعليق

You can replace this text by going to "Layout" and then "Page Elements" section. Edit " About "