Elegant Rose

الأحد، 14 يوليو 2013

الفكرة


الفكرة فى الابتلاء مش إنك تتحمل 
الفكرة انك ترضى وتصبر وتتعلم 
ربنا مش بيبتليك علشان بس يختبرك 
ربنا عايز يقويك على الدنيا ويعلمك تتحداها أكتر
ويوصلك انه بيحبك علشان تقربله أكتر 

-----------------
الفكرة فى الصلاة مش بس طاعة 
الفكرة انك تستقيم فى حياتك بإلتزامك لمواعيدك 
و بإحتشامك فى لبسك وبطهارة حواسك 
وبالتركيز فى تصرفاتك
و تدريب عينيك على الخضوع وقلبك على الخشوع 
فكر تانى هتلاقى ان صلاتك إستقامة لحياتك 

--------------------

الفكرة فى الدعاء مش فـ الاجابة 
الفكرة فى إنك مؤمن بأن الله قريب 
مدرك بأنه سميع متيقن بأنه قادر 
تثق بأنه عليم فلا تشغلك الاجابة قدر أن تشملك رحمته 

---------------------

الفكرة فى رمضان مش بس الصيام
الفكرة فى الوحدة و إننا واحد قدام ربنا 
ان الاحسن هو اللى بيقرب لربنا اكتر مش اى حاجة تانية 
كلنا بنبدأ سوا ونفطر سوا بس مين بيسبق لربنا 

............................
الفكرة فى الخير مش التبرعات 
الفكرة فى الاحساس بالغير سواء كانوا بعيد او جنبك على طول 
إنك تحس بفضل ربنا عليهذك فتساعد اللى محتاج و سيبك من الاعلانات 
أعمل الخير اللى تحسه مش اللى يوجهوك ليه 
الخير مش بس تبرعات الخير أشكال كتير اوى قلبك هيحس بيها 

-------------------------

الفكرة فى أنك تحتاج من حد يدعيلك 
مش بس انك محتاج دعوة بظهر الغيب 
الفكرة انك عايزها دعوة خالصة لوجه الله مفيش فيها رياء 
دعوة من ناس كتير فى اوقات مختلفة علها تستجاب 
" اللهم إقضى حاجتى وفرج كربتى يا أرحم الراحمين "


من كتابى الإلكترونى " ورق ملون "

10 التعليقات :

Hanan w Haneen يقول...

جمييييل اوي يا يويو ♥ :-)

Hayat يقول...

الفكرة جميلة جداا
تسلم ايدك
تحياتي:)

aya mohamed يقول...

حنان

تسلمى يا حبيبتى :*

aya mohamed يقول...

حياة

الفكرة أجمل بيكِ :)

الغاردينيا يقول...

صحيح الخير دائما تحسسه بقلبك لا تحتاج من يشير إليك عنه
وربما تحتاج ...لكن غالبا مايكون القلب أجمل دليل

حبيت الوردة في الماوس معرفتش هي تقطفت من أي شجرة :)

aya mohamed يقول...

الغاردينيا

هو ده اللى قصدته فعلا :)
حبيت طلتك اتفضلى الوردة
هى اتزرعت هنا مش قطفتها :)

heba atteya youssef يقول...


الفكره هنا هي انك رائعه :*

aya mohamed يقول...

هبة

الفكرة اصلا ان وجودك بيفرحنى :*

nesma hatem يقول...


الفكرة فى الدعاء مش فـ الاجابة
الفكرة فى إنك مؤمن بأن الله قريب
مدرك بأنه سميع متيقن بأنه قادر
تثق بأنه عليم فلا تشغلك الاجابة قدر أن تشملك رحمته

الفكرة فى أنك تحتاج من حد يدعيلك
مش بس انك محتاج دعوة بظهر الغيب
الفكرة انك عايزها دعوة خالصة لوجه الله مفيش فيها رياء
دعوة من ناس كتير فى اوقات مختلفة علها تستجاب
" اللهم إقضى حاجتى وفرج كربتى يا أرحم الراحمين "

الفكرة انى حسيت فيها براحة جدا ... وانتى اصلا مبدعة :)

aya mohamed يقول...

نسمة

الفكرة ان السعادة
بتكون فى ان كلامى بيوصل قلوبكم <3

إرسال تعليق

You can replace this text by going to "Layout" and then "Page Elements" section. Edit " About "