هو يعنى ايه روحانيات
يعنى الحاجات اللى بتلمس روحك وتخلي كل حواسك فى وضع استمتاع وحرية
عارف يعنى ايه حواسك حرة
يعنى عنيك تدمع فجأة او لسانك يردد آية لوحده او قلبك يتنفض من الخشوع
وايديك بشكل تلقائى تسبح و مراكز الاحساس فى روحك فى حالة استرخاء تام
جربت الحرية دى فى الصلاة
لما تصلى ركعتين لله - شكر او حاجة - فتحس انك عايز تطول فى السجود
وتلاقى عنيك سجدت بالدموع معاك فتحس براحة استعمرت روحك
طيب جربت الحرية فى الصوم
لما توصل لدرجة انك بتحس بالارتواء لما تقرا القرآن
وتحس ان ذهنك طول الوقت بيسبح حتى وانت بتعمل حاجات تانية كتير
وتلاقى انك نشيط بزيادة وكل اعراض الصيام اللى الناس حاسة بيها مش وصلاك انت
فتحس بسعادة ان صيامك حُر
الاكيد انك جربت حرية التقرب لله
لما تيجى قدام عنيك صورة الكعبة وتلاقى لسانك بيقول يااااارب اكتبهالى
وتلاقى عنيك بتلمع بالدموع لما تسمع بالصدفة آية معينة
ولما حد يدعيلك دعوة بتحبها فتحس ان عقلك متيقن انها فى مرة هتصادف ساعة الاجابة
وصل حواسك للحرية
هتحس قد ايه العبادة نعمة كبيرة اووووى
هتحس قد ايه العبادة نعمة كبيرة اووووى
11 التعليقات :
صدقت
ونعم بالله :-)
الله عليكي بجد :*
رشيد أمديون
تسلم يارب نورتنى
حنان
:)
هو دة ;) ربنا يزيدك ايمان يارب <3
هبة
ربنا يخليكى يااارب :*
انجى
ربنا يسعدك يارب :*
تسلمى يا قمر <3
صح يا آية
الشعور بالقرب من الله وان ربنا جنبك وبيقف جنبك
صلاتنا
صيامنا
زاكتنا
تبرعاتنا
مساعدتنا للناس
كل شيء
رحاب
ربنا يتقبل منا جميعا يارب
<3
إحساس مرهف
إرسال تعليق