Elegant Rose

الأربعاء، 10 يوليو 2013

زهايمر






وحشتينى 
فجيت افكرك بيا 
بـ حب الجامعة والكورنيش 
وضحكة صافية من قلبك و لمسة ايد
ومشى ساعات فى عز الحر والزحمة 
وذرة مشوى عمر فى مرة ما اكلناه 
وكل ما اقولك نفسك ايه 
تقولى " بس ابقى معاك "

وفاكرة الدبلتين واللمة و الزغايط 
و صورة مبينه ضحكة شفايفك بس 
علشان كنا بنتوشوش فكان وشى دايب فيكى 
وقلت حبيبتى انا اسف نعيد اللقطة من تانى 
فرديتى بفرحة باينة فى عنيكى 
دى اول مرة صورة تبقى حقيقية 
ملامحى دايبة فى ملامحك 
وضحكة قلبى معكوسة فى ضى عنيك 

طب فاكرة اول حمل ليكى 
ووشك المرهق بيضحك لما يومها اختارنا اسمه 
كنت بزعل كل ما اسمع آهه منك 
وبعد ما تنامى اعاتبه ليه يضايقك 
وافضل أتامل ملامحك 
بس عارفة كل يوم بيعدى بيخليكى أحلى 

فاكرة خناقتنا العبيطة 
كنتى اول ما تلاقينى خلاص بزعق تزعلى
وبمنتهى البراءة تسألى " أنت بتزعقلى أنا "
فاسكت و اسيب البيت وانزل
وافضل أضحك طفلة و مجنونة كمان
بس هعمل ايه بحبك 
وبعد ساعة ارجع أصالحك بشكولاته و هريسة

وحتى لو مش قادرة تفتكرى
كفايا انى ضحكتك
انا اصلا بحبك حلم على قدى 
سنين عشناه 
ولسه يا عمرى بحلم بيه 


................................

رمضانكم مغفرة
كل سنة وانتم طيبين


8 التعليقات :

أسماء فتحي يقول...

وااااااااااوجميلة بسيطة صادقة ومعبرة

تحياتي لك ولكتاباتك
كل سنة وانتي وكل حبيايبك بخير وصحة وسعادة

Amira Ramadan يقول...

الله يا آيه حلوة أوووووووووووووووى بجد

رمضان جميل عليكى يارب

Hayat يقول...

جميلة جدااااا
معبرة
و انت بألف خير وصحة
تحياتي لكِ:)

aya mohamed يقول...

اسماء

سعيدة انها عجبتك
وانتِ بالف خير و سعادة يارب <3

aya mohamed يقول...

اميرة

وحشتينى اوى على فكرة
رمضانك كله خير يارب :*

aya mohamed يقول...

حياة

تسلمى يا حبيبتى
وانتِ بخير و صحة وسعادة يارب

Hanan w Haneen يقول...

جمييييلة جميييلة جميييلة بجد :-)

aya mohamed يقول...

حنان

انتى اجمل بكتيررررر :*

إرسال تعليق

You can replace this text by going to "Layout" and then "Page Elements" section. Edit " About "