Elegant Rose

الجمعة، 26 يوليو 2013

شخابيط ملونة



كل حاجة فى الماضى بتزعلنى 
 بجد بزعل اوى لما بفتكر او بفكر فـ حاجة عدت 
يمكن فى الاسبوع ده كنت بجاهد نفسى علشان اجيب اى حاجة مبهجة 
او فيها امل وافضل محافظة على اتفاقى مع نفسى ومعاكم فى البداية 
ان كل الحوليات هتكون مبهجة برغم اى شئ 
بس حبيت اسجل فى اخر يوم من اسبوع ده 
انه كان اسبوع  شاق جداااا عليا نفسيا وذهنيا 
والحمد لله انه خلص بسلام ويارب تكونوا استمتعتم باللى كتبته فيه 
واكون قدرت احافظ على اتفاقى 

.........................

بحفظ التواريخ المهمة فى حياتى مش بحفظها متعمدة ولا حاجة 
بس هى بتتحفظ لوحدها و بتفاصيل اليوم كمان 
ما بين التواريخ دى بقى فـ احداث كتير اووووى 
مش بحب افتكرها مع انى مش بنساها ابدا 
انا بطبعى شخصية متناقضة مش جت على دى يعنى :)

..........................
كلمة فاكر/ة بتفكرك بإيه ويمين ؟
انا كلمة فاكر/ة بتفكرنى على طول بقصيدة حواديت قديمة لـ أحمد حداد
تقوله فاكر يرد فاكرة
ورق التذاكر ... ورق المذاكرة
كل الاغانى يعيدوها تانى
وهو فاكر وهى فاكرة
جربت تربط كلمة بذكرى حلوة او غنوة مبهجة او حتى شخص يضحكك
لو لسه مجرتش اوعى تضيع الفرصة دى وجرب

................................
أغمرنى بحنان و تناول بعض دقات القلب المرهقة بفعل الذاكرة
 وأخبرنى من احببت قبل ان تلقانى
ومن هنا لا تعنى اسمائهن ولكنها تستنكر ان تكون حقا فعلت
أسالنى عن حبيبى السابق وليكن سؤالك قاسى بحجم خذلانه
تجاوز معى بحور الحب السبع
 و احكى لى قصة حب حدثت منذ زمن بعيد كان بطلاها نحن

................................

بحبكم فـ الله

6 التعليقات :

رحاب صالح يقول...

ممممممممممممممم
جميلة يا آيوية ازاي محدش علق هنا ؟
ناس وحشيين

ابراهيم رزق يقول...

جميلة قوى يا اية

تجاوز معى بحور الحب السبع

جميل التعبير ده
بس بينى و بينك هما كم بحر

رجاء يا اية نوهى عن الحوليات فى مدونتك عشان اعرف اتابعها

تحياتى

Emtiaz Zourob يقول...

أنا مثلك بأحاول على قد ما اقدر اني ابتعد عن النكد لكن بصراحة مش قادرة خالص وإن شاء الله تقدري تجعلي من كل تدويناتك تدوينات مبهجة.

وماتزعليش لو تأخرنا في الزيارة ، أنت عارفة أنه الصيام ورمضان بيأثروا ع الواحد وبيشغلوا كل وقته.

ع فكرة عجباني فاكر وفاكرة ح ابقى ادور عليها واسمعها
:)

aya mohamed يقول...

رحاب

انتى اجمل يا حبيبتى
علشان انتى تعلقى الاول بس :)

aya mohamed يقول...

ابراهيم رزق

مش عارفة ازاى بس هحاول اتصرف :)
اما البحور فهما سبعة انا عديتهم واحد واحدة هههههههه
اسعدتنى يا خالو

aya mohamed يقول...

امتياز

حبيبتى ولا يهمك
والقصيدة انا نزلتهالك على الفيس <3

إرسال تعليق

You can replace this text by going to "Layout" and then "Page Elements" section. Edit " About "