استغربت انى حلمت بيكِ
بس الاغرب لما اصحى من النوم الاقى ان اليوم ده عيد ميلادك
طيب ليه ؟ انتِ كنتى قاصدة بجد الكلام اللى قولتهولى فى الحلم
على فكرة انتِ كمان وحشتينى اوى مع انى مش عارفة ليه !!!
......................
الحلم كان أبيض وأسود مع اننا فى زمن الالوان
بس علشان المكان كان حقيقى زيادة عن اللزوم
لفيت فى نفس الشارع مرتين
كنت بسال نفسى انا ايه جابنى هنا
او يمكن كنت بتأكد ان الشارع والبيوت ووشوش الناس حقيقية
انا فاكرة كل ملامح الحلم حتى انه كان من غير ناس اصلا !!!!
.........................
انا مش هقدر اعمل حاجة علشان انا مش عايزة اعمل حاجة
بلاش نظرات الحزن اللى بتيجى مخصوص علشان تبصهالى
مهو انا حتى لو وجودى مؤثر مش هتصرف اى حاجة هقف اتفرج بس
مش علشان انا بقيت نادلة ولا فقدت احساسى باللى حواليا
علشان ده مجرد حللللللم !!!
.........................
على قدر حلمك تتسع الأرض
محمود درويش
8 التعليقات :
ياريت نقدر نتصرف فى الاحلام .. مش هيبقى عجز فى حلم و واقع :(
لو بطلنا نحلم نموت
ربنا يحقق احلامك و تشوفيها على شاشة 96 بوصة ديجتال تيكنال كلور دولبى
بجد عجبنى حلمك
على قدر حلمك تتسع الأرض ..
حلم من غير بشر
في يوم هيحققه القدر
وتلاقيكي عشقتي السهر
ويا حلمك المنتظر
تحياتي
دينا
ياريت بس ده حلم يعنى مش حقيقى :)
ابراهيم رزق
انا نفسى فعلا اشوف احلامى ههههههه
نورتنى يا خالو :)
وجع البنفسج
قعلا :)
اسماء
الله عليكى :)
نورتينى يا سمسمة
إرسال تعليق