Elegant Rose

السبت، 27 يوليو 2013

أحلام خالية المعنى



استغربت انى حلمت بيكِ 
بس الاغرب لما اصحى من النوم الاقى ان اليوم ده عيد ميلادك 
طيب ليه ؟ انتِ كنتى قاصدة بجد الكلام اللى قولتهولى فى الحلم 
على فكرة انتِ كمان وحشتينى اوى مع انى مش عارفة ليه !!!

......................

الحلم كان أبيض وأسود مع اننا فى زمن الالوان 
بس علشان المكان كان حقيقى زيادة عن اللزوم
لفيت فى نفس الشارع مرتين 
كنت بسال نفسى انا ايه جابنى هنا 
او يمكن كنت بتأكد ان الشارع والبيوت ووشوش الناس حقيقية
انا فاكرة كل ملامح الحلم حتى انه كان من غير ناس اصلا !!!!

.........................

انا مش هقدر اعمل حاجة علشان انا مش عايزة اعمل حاجة 
 بلاش نظرات الحزن اللى بتيجى مخصوص علشان تبصهالى 
مهو انا حتى لو وجودى مؤثر مش هتصرف اى حاجة هقف اتفرج بس 
مش علشان انا بقيت نادلة ولا فقدت احساسى باللى حواليا 
علشان ده مجرد حللللللم !!!

.........................

على قدر حلمك تتسع الأرض
محمود درويش 

8 التعليقات :

Dina يقول...

ياريت نقدر نتصرف فى الاحلام .. مش هيبقى عجز فى حلم و واقع :(

ابراهيم رزق يقول...

لو بطلنا نحلم نموت

ربنا يحقق احلامك و تشوفيها على شاشة 96 بوصة ديجتال تيكنال كلور دولبى

بجد عجبنى حلمك

Emtiaz Zourob يقول...

على قدر حلمك تتسع الأرض ..

أسماء فتحي يقول...

حلم من غير بشر
في يوم هيحققه القدر
وتلاقيكي عشقتي السهر
ويا حلمك المنتظر

تحياتي

aya mohamed يقول...

دينا

ياريت بس ده حلم يعنى مش حقيقى :)

aya mohamed يقول...

ابراهيم رزق

انا نفسى فعلا اشوف احلامى ههههههه
نورتنى يا خالو :)

aya mohamed يقول...

وجع البنفسج

قعلا :)

aya mohamed يقول...

اسماء

الله عليكى :)
نورتينى يا سمسمة

إرسال تعليق

You can replace this text by going to "Layout" and then "Page Elements" section. Edit " About "